Ný heimasíða Nemendafélags Háskólans á Bifröst frá Emstrum

Stöðugt fjölgar þeim félagasamtökum sem kjósa að nota Drupal frjálsan hugbúnað til þess að halda úti öflugri vefsíðu.  Kostirnir eru sannarlega margir og ástæðurnar ekki færri fyrir því að velja Drupal.  Ein megin ástæðan er sú að auðvelt er að setja inn efni eins og texta og myndir.  Þá er auðvelt að setja inn fréttir, halda úti spjallþráðum, setja inn blogg, halda úti skemmtilegu myndaalbúmi og þar að auki halda utanum félagaskránna.
Núna hafa Emstrur sett upp heimasíðu fyrir Nemendafélag Háskólans á Bifröst á léninu skolafelag.is.   Með þessari vefsíðu frá Emstrum í Drupal vefumsjónarkerfinu opnast nýir möguleikar fyrir skólafélagið.  Mun auðveldara er að halda úti fréttum, breyta upplýsingum um hin ýmsu félög, opna spjallþræði um hagsmunamál félagsins og nemenda í Háskólanum á Bifröst, gera skoðanakannanir, halda úti áhugaverðu myndaalbúmi og margt fleira.  Allt á færi þeirra sem taka að sér að vera vefstjórar eða annarra sem félagið heimilar að setja efni inn á síðuna.  Eða með öðrum orðum það er mun auðveldara að halda úti vefsíðu sem er ígildi fjölmiðils í eigu félagsins.
Eins og hjá mörgum félagasamtökum var vefsíða félagsins nánast stopp vegna erfiðleika við að setja inn nýtt efni.  Vefumsjónarkerfið var óþjált og erfitt að fá upplýsingar um notkun þess.  Þetta kom harkalega niður á nýju efni og smátt og smátt staðnaði vefsíðan.  Núna er auðvelt fyrir nemendafélag skólans að halda úti öflugri og kraftmikilli vefsíðu sem sannarlega mun þjóna félögum, nemendum við Háskólann á Bifröst.